█ حصرياً جميع الاقتباسات من أعمال المؤلِّفة ❞ منار أحمد الديب ❝ أقوال فقرات هامة مراجعات 2024 كاتبه وشاعره "عـــآشــــقـــهِ آلَهِدوء" مصريه محافظة الغربيه مركز كفر الزيات ❰ لها مجموعة الإنجازات والمؤلفات أبرزها حلم سرقته الظروف الناشرين : دار قيس للنشر والتوزيع ❱
❞ إهداء.
لكل إلي دايقني وماقدرش .
لكل إلي ماحسش بيا وزود همومي وخلاني حتي لو مره مابنامش.
لكل إلي أستكتر عليا الفرحه وإستعجل علي زعلي وما آجلش.
لكل ألي غدر بيا وظلم ومانصفش.
لكل إلي قال في حقي كلام وإفتري ومارحمش.
لكل إلي صدمني ووآلمني بكلام زي العيار سواء أثر فيه ولا حتي ما آثرش.
لكل من فضفضتله وإعتبرته بني آدم وفتش سري دا الحيوان بيقدر والإنسان مابيقدرش.
لكل واحد خاني وإستغل ضعفي وإستفزني بكلام مايتقالش.
لكل واحد حسيت بيه في ضعفه وهوا لما قدر داس وبيكون ذي الوحش.
لكل واحد بكاني وخلاني آكره نفسي وأحب الوحده أحسن ما أعاشر ناس مابتتعاشرش.
لكل واحد قعدت أشرحله وأفهمه وهوا سادد ودانه وإلي في دماغه من ناحيتي هوا هوا مابيتغيرش.
لكل واحد ماحسسنيش بالأمان وكنت فاكراه الأمان والحنان وطلع خيش وقش.
عايزه أقول لكل إلي علم فيا بكلمه ولا نظره ولا فعل فيه هنا رب موجود هياخد حقي بس أنا مابسامحش.
گ/ منار احمد ˝عآشـقه آلهدوء . ❝
❞ قصيده@ تناقض..
اكتشفت أخيرا إننا مش متفقين!!!
سايبين المهم ومش هاقول هايفين .
واحد بيفكر شمال والتاني يمين.
دماغنا مش واحده بس يادوب عايشين.
ولو اتفقنا في حاجه صعب بس مش مبينين.
وحياتنا ماشيه لحالها ومش عارفه علي فين.
ظلمنا نفسنا وظالمين ناس تانيه معانا هل كدا إحنا ظالمين؟
وملناش اسرار زي الكتاب مفتوح حياتنا واضحه لأي حد أد كدا خايبنين!!
عايشين ومفيش طموح وإلي بيتبني بسيط وإلي بيتهد أكتر وعلي كدا بردو مكملين.
روتين ممل وأهي دي حياتنا عايزه أعرف علي إيه إحنا مخططين.
سايبنها زي ماتيجي ودا بردو كلام عاقلين؟
أد إيه الحياه كانت هاتبق حلوه لو كنا متفقين.
لكن كل واحد دماغه شايفها صح ولبعض ساكتين.
بالطريقه دي الحياه هاتقف او هاتمشي ببرود ماحنا لغلطنا معترفين.
ياخساره بعد ماعرفنا إننا غلطانيين.
بردو زي ما إحنا مش متفقين.
گ/ منار احمد ˝˝ عآشـقه آلهدوء˝˝ . ❝
❞ « قصيدة بعنوان بحبك يا امى»
احبك ياامى
انتى عارفه
مره حد سئلنى عنك
بدون قصد
قالى
اوصفيلى حياتك
رديت بدون تفكير
وقولت باعلى صوت
حياتي هي وجود امى
بس حب امى
لا يتوصف ولا يتحكى
دى جنه على الارض
ساكنه القلب
هي مأمنى وأمنى
هي جنه
خلقها ربى لأجلي
لتجعل حياتي نور وجنه
كلمه امى
مش مجرد كلمه تتقال
دى حروفها
تحسسنى بالامان والحنان
وبنسى الدنيا فى نظره عيونها
دايما تدعيلك فى صلاتها
وتشوف القلق فى عيونها
ان غبت في مره عنها
وتقوم الفجر وتدعيلك
وتقول
يارب من كل كرب نجيه
ومن عيون الناس تحميه
وتجرى على اوضتك
وبأديها تغطيك
فتحس بالدفاء والحنان حواليك
ماست الكل
ماست الكل في حياتك موجوده
ياساكنه في وريدى ودمى
بكتبلك ياامى
بكتبلك ياامى فى شعري
والكلام عجز عن وصف جمالك
وقف القلم قالى
دي حبها لا يتحكى ولا يتكتب
دى مهما اعيش ليها هفضل محتاج ليها
دى حته من قلبى ربنا هدانى بيها
تنور حياتى وسنينى
بأديها تداوى جروحى
وترجعنى لجنتها من تانى
وإن غابت
وأن غابت شويه عنى
بكون تايه
وغرقان في دنيا مليانه حكايات
وبنظره امى
بنسا الدنيا وارجع اضحك من تانى
ولما اتعب مره عادى
تسهر وتداوى فى الآمي
انا بستقوى بيكى
ياجنه الارض وطوق نجاتى
دومتى لقلب انتى وريدوا
ياساكنه فى فؤادى ودمى
انا لما اتعب
لما اتعب بفكر فيها واجرى عليها
ومهما اكبر
هفضل طفل يدلل عليها
من غيرك ياغاليه
من غيرك ياغاليه بيشيل همى
ويسمعنى وينصحنى
يسمعنى وينصحنى في كل حكاياتى
وفي حيرتى وتعب قلبي بيهدينى
تهدينى للطريق وتقوينى
ومهما احكى عنك يا امى
مش هوفى حقك عليا
انتى كل حياتي وسنينى
ولما اوصل فى مره لحلمي
اول وحده بتصقفيلي
وتفرحيلى
وجودك جنبى نعمه
يا اجمل ورده فى شبابها
انا موجوده وسعيده
لإنك فى حياتى موجوده
دومتى لقلب انتى وريدو
وجودك حياة
ودعواتك ليا نجاه
ياست الكل
صوتك لحن كمان
بيعزف على اوتار قلبي
بحبك يا امى
بحبك يا امى وبحكيلك همي
وبتسمعينى وتشيلى عني
ياما سهرتى الليل
علشان تمسحى دموع عنيا
وبأيدك تطبطبي عليا
وبنظره رضا منك تتبدل الدنيا حواليا
بشوف السعاده فى كل حزن
لأنك سندانى وحميانى من اي شر
فاكره
فاكره لما كنت بتعب
كنتى دايما تسهرى الليل جانبي
وتشيلى همي
وتوسينى وتقوليلي انا جنبك
ارمي حمولك عليا
كنتى جبل فى شيل همومي واحزاني
وحماينى
ومهما اغلط
تقفى جنبى وتحمينى
هزعل واخاف من اي
طول ما انتى معايا
وسنداني
يا اغلى من كل شئ
انتى جنتى ونبض قلبي
بتنفس حروف اسمك
وتتلخص سعادتي لما بشوف البسمه على وجهك
وتتحكيلى وتنسينى الدنيا
بتخطفنى نظره عيونك
وتحسسينى بالامان والحنان
واخر كلامى في قصيدتي وهفضل طول العمر اقولها
باعلى صوت ليا
انا بحبك
انا بحبك يا كل شئ ليا
ربنا يديمك لقلب انتى وريدوا
بحبك ياامى
« قصيده بعنوان بحبك يا امى»
تأليف منار أحمد الديب . ❝
❞ الغضب والدموع والحزن هي أسلحة المستسلمين. إذا كانت لديكم دموع فتهيأوا لذرفها. الدموع دليل المحبة لكنها ليست العلاج. الكثير من الدموع لا تفي القليل من الديون. العين التي لا تبكي لا تبصر في الواقع شيئاً.
فى دموع المرأة لا يرى الحكيم الا ماء . ❝
❞ أوعي تختاري حد بايعك، لو مكنش من البداية هو اللي شاريكي أكتر، وبيتمني وصالِك أكتر، وبيحاول بكل الطرق يكسب قلبك، ووجوده أمان وبيطمّن قلبك، فأعملي حسابك إنك الطرف اللي هيفضل يحاول لحد ما روحه تطلع، مفيش راجل بيعرف يقسى على واحده بيحبها مهما حصل، مفيش راجـل مابيعرفش يرتب أولوياته، ولو عايز واحدة وبيحبها من قلبه بجد ممكن يعمل المستحيل عشان يوصلها وتبقى معاه، فمتصدقيش غير كده
المرأة في الإسلام مرغوبة لا راغبة، يسعى إليها ولا تسعى هي، يخطى إليها الف ميل ولا تتزحزح.
گ/منار أحمد ˝عـــآشــــقـــهِ آلَهِدوء˝ . ❝
❞ لم تكُن الكتابة كافية لتقع في حُبي
هي لا تُريد الأقلام والدفاتر
ولا الخيال والعقول
هي تبحث عن شيءٍ محسوس
وكانت هذهِ خيبة أمل لشخصٍ كرّس حياته يكتُب لها.* . ❝
❞ فاهمين غلط..
للأسف دلوقتي إلى تقول عليه غلبان بيبق تعبان....
والي بيكون معاه هوا إلى بيبق جعان.
وإلى فاكره حاطك في عينه هوا إلى بيغدر بيك مش إنسان.
والي بتمدله ايدك بالخير لو طال ياكلك هايكلك لأنه طمعان.
وإلى بتخاف عليه وتحس بيه بيبق شايلك من دماغه وبالانانيه عيان.
وإلى تصبر عليه وأول مايجي دورك في الصبر لو طال يدوس عليك هايدوس وهوا فرحان.
وإلى تشوفه ملاك من وجهه نظرك السطحيه بيعرف يخدعك فنان
والي بتعمل حسابه وشايل همه مابيقدرك ألعبان.
والي بتفكر فيه وتاعب دماغك علشانه سايبك تفكر وهوا في التوهان.
وإلى بيكلم ويشكيلك كتير إعرف إنه بيكدب وبيلعب بيك جبان.
والي بيشوفك يشكر فيك والضحكه البارده تظهرلك إعرف إنه منك غيران.
وإلى بيحب يسمعلك ويعرف أخبارك وشايف إنك بترتحله بياخد كلامك بيقوله لغيرك فتان.
وإلى يشوفك ويطلب منك ومن غير ك دا بتاع مصلحته لو طلبت منه يختفي وما يبان.
وإلى تفتكره حبيبك ينصحك بنصيحه مايعملهاش هوا ويحب يشوفك تعبان.
وإلى يقعد معاك يحكيلك حاجه محصلتش فتاي خياله واسع ماتحسش معاه بالامان.
وإلى ماتخبي عليه حاجه وصريح معاه بيكون خوان.
وإلى قعدتك معاه هاتخسرك كل حاجه حلوه وتطلع معاه شياطينك دا تبعد عنه وإنت إلى كسبان.
وفيه الي تقعد معاه يملاك طاقه سلبيه وينفخ فيك زي الأنبوبه ويملاك دا أكيد تعبان.
وفيه إلى قاعد معاة يلعب في دماغك ويخليك شكاك ويسيطر عليك بدماغه وتعجبك أفكاره وهوا يبق شيطان.
في زمنا دا كل النوعيات ديه موجوده وفي اكتر من كدا ولسه هانشوف كمان وكمان....
گ/منار أحمد الديب ˝عـــآشــــقـــهِ آلَهِدوء˝ . ❝